Кампанія Golden Software добра вядома айчынным карыстальнікам персанальных кампутараў. Дзякуючы намаганням піратаў нелегальная копія праграмы “Анжэліка” прысутнічае на кожным трэцім, калі не на кожным другім кампутары ў рэспубліцы. Але ж, дастасаванне для друку плацёжных дакументаў – не адзіны прадукт кампаніі. На маючай адбыцца з 4 па 7 красавіка ў павільёне былой ВДНГ выставе TIBO можна будзе азнаёміцца з сучаснымі рашэннямі для аўтаматызацыі гандлю, грамхарчу, будаўніцтва, вытворчасці і іншых галінаў гаспадаркі. На выставе будуць таксама прадстаўленыя новыя вэрсіі праграмаў комлексу “Анжэліка” адаптаваных да новага падатку на даданую вартасць (ПДВ) і новых форм бугалтарскай справаздачнасці. Тут трэба заўважыць, што кампанія Golden Software з’яўляецца ці не адзіным айчынным распрацоўшчыкам праграмнага абсталявання, што дазваляе адлюстроўваць змяненні заканадаўства ў самыя сціслыя тэрміны. Гэта падцвердзілася на пачатку гэтага году, калі карыстальнікі кампаніі Golden Software атрымалі змянені ў праграмных прадуктах на месяц-два раней чым карыстальнікі іншых кампаній.

Акрамя эканамічных праграмаў на выставе будуць прэзентаваныя распрацоўкі ў галіне Internet, вэб-сайты створаныя студыяй вэб-дызайну, сістэма аптымізацыі руху транспарту ў гарадскіх умовах, праграма ўліку тэлефонных званкоў і кіравання стасункамі з кліентамі. На прэсавай канферэнцыі прысвечанай TIBO 2000 была зроблена інтрыгуючая заява, што Golden Software пачала распрацоўку праграмнага абсталяваньня для аперацыйнай сістэмы Linux.

Кожнаму наведвальніку стэнду Б-10 кампанія Golden Software гарантуе філіжанку араматнай кавы. Так што прыходзьце, не пашкадуеце!

Андрей Киреев