"Нам далі параду набыць айчынную праграму для бухгальтэрыі. Дзе яе можна знайсці? Колькі каштуе праграма "Анжэліка"? На адно працоўнае месца і для сяці. А зьніжкі ў Вас ёсць?", -- пытаюцца новыя кліенты, бальшыня з якіх карыстальнікі піратскіх копіяў праграмаў "Анжэліка". Ну вось, "піраты" і будучыя карыстальнікі "Анжэлікі", Вы дачакаліся!

З 10 снежня 2001 году кампанія Golden Software, айчынны распрацоўшчык сучасных бухгальтарскіх праграмаў "Анжэліка", падрыхтавала Калядную праграму зьніжак. Зьніжкі прасціраюцца на сецявыя вэрсіі праграмаў "Анжэліка". Тэрмін дзеяння Каляднай праграмы абмежаваны з 10 снежня 2001 году па 15 студзеня 2002 году. Пад час дзеяння зьніжак кошт сецявой вэрсіі (да 3-х працоўных месцаў) праграмы "Анжэліка-Бухгальтар" складзе 382 000 беларускіх рублеў, што на 46 000 рублеў меней за звычайныя кошты.

Дадзеная маркетынгавая праграма накіраваная на падвышэньне продажу сецявых вэрсіяў праграмаў "Анжэліка" і зьмяньшэньне адсотка піратскіх копіяў на рынку.

"Калядны перыяд -- ёсць найлепшым для аўтаматызацыі бухуліку, альбо пераходу на новую праграму. Прадпрыемствы маюць магчымасць набыць праграмовае абсталяваньне па зьніжаных коштах, а бухгальтары -- пачаць улік на кампутары з пачатку году, калі выдаткі на перанос дадзеных найменшыя", -- адзначыў Віктар Падмаска, кіраўнік аддзелу маркетынгу і ПР кампаніі Golden Software. Прайс-аркуш з Каляднымі зьніжкамі можна скачаць з сайту кампаніі www.gsbelarus.com. Там жа можна знайсці і скачаць дэманстрацыйныя вэрсіі праграмаў «Анжэліка – друк плацежных дакументаў», «Анжэліка-Бухгальтар», «Сакрэт Анжэлікі», «Сродкі Анжэлікі» і «Заробак Анжэлікі».