Вось ужо амаль месяц мы дарэмна ўпрошваем супрацоўнікаў кампаніі накідаць хоць бы й пару радкоў для нашага сайту. Усё дарэмна, усе працуюць, усе занятыя. Аддзел продажу выпрацоўвае новую цэнавую палітыку, аддзел маркетынгу заняты распрацоўкай новых звыш сакрэтных схемаў перамогі на сафтвэрным фронце, а праграмісты ўнікаюць усялякіх размоваў, на ўсі пытаньні толькі загадкава пасьміхаючыся і кажучы: сам пабачыш... пазней... на скрын шотах :)

Але, як той казаў, на лаўца і зьвер бяжыць. І вось днямі да нас у офіс прынеслі стос сьвежых, толькі што аддрукаваных, метадычак з Беларускага Дзяржаўнага Ўніверсітэту Эканомікі.

Дапаможнік пад назвай "Тэхналёгіі аўтаматызаванай апрацоўкі ўлікова-аналітычнай інфармацыі" прызначаны для студэнтаў спецыяльнасці Э.01.07.00 "Бугалтарскі улік, аналіз і аўдыт" спецыялізацыі Э.01.07.02 "Улік, аналіз і аўдыт у АПК".

Аўтар працы: Прохарава Тацьцяна Ўладзімераўна, выкладчык вышэйзгаданай вучэбнай установы.

На 62-х старонках разглядаюцца пытаньні арганізаці ўліку на прадпрыемстве з выкарыстаньнем комплексу праграмаў "Анжэліка". Кожны падзел акрамя тэарэтычнай часткі мае дадатак з практыкаваньнямі. Кніга багата ілюстравана. Акрамя ўласна мэтадычнай часткі дапаможнік мае невялікі ўступ, які мае намер давесці пра сітуацыю на рынке праграмовага абсталяваньня Беларусі. Таксама, па невялікаму аддзелу прысьвечана кожнай праграме з комплексу "Анжэліка".

Найбольшая частка накладу пайшла ў бібліятэку ўніверсітэту, а таксама засталася на катэдры "Бугалтарскага ўліку, аналізу й аудыту ў АПК". Жадаючыя могуць набыць дапаможнік у офісе кампаніі, альбо атрымаць мэтадычку ў электронным выглядзе з нашага сайту. Пакуль файл яшчэ не выкладзены, але хутка будзе. Дык заходзьма да нас часьцей!

Вытворчасьць праграмовага абсталяваньня ўсё болей набывае рысы індустрыі масавага спажываньня, пераймаючы ўсе ейныя мэтады. Напрыклад, як прымусіць пакупніка набыць новы імбрык, калі ў яго ўжо ёсьць адзін, а тэхналёгія нагрэву вады электрычнасцьцю нязьменная вось ужо гадоў з трыццаць? Правільна, трэ' зьмяніць дызайн і праз рэкляму давесьці, што імбрыкі старога дызайну нічога ня вартыя, а новага -- якраз тое, што мусіць абавязкова набыць кожны паспаліты пакупнік.

Вось і мікрасофт, сутыкнуўшыся з пэўным крызісам, які ўжо пару гадоў як апанаваў сусьветны рынак высокіх тэхналёгіяў, перайшла ледзьве не на канвэйерны выпуск аперацыйных сістэмаў пад маркай Вокны. Вокны95, Вокны98, ВокныМЕ, ВокныНТ, Вокны2000/НТ5... Прадоўжыць шэраг мусіць новая (як у той показцы, добра забытая старая?) сістэма ВокныІксП, выхад якой заплянаваны на другую палову бягучага году.

Што на наш погляд, дык з усіх аперацыйных сістэмаў ад мікрасофту вартыя ўвагі былі (і ёсьць) Вокны НТ 4.0, і мабыць Вокны2000 (але, на конт апошняй стоадсоткавай упэўненасьці няма, бо занадта мала пагуляліся мы з гэтай цацкай, каб вывучыць яе ўсю).

І на заканчэньне крыху з прыгожага. Прапануем вам працу беларускай мастачкі Ірыны Батаковай пад назвай "Кошык з ракавінкамі".

   

Введите строку для поиска, и вам будут предоставлены все документы нашего сервера, содержащие эти слова. Документы упорядочены в порядке соответствия результатов поиска запросу.