Кампанія Golden Software, вядомы айчынны распрацоўшчык праграмовых сродкаў для аўтаматызацыі ўліку, планаваньня і аналізу на прадпрыемствах Беларусі, падпісала партнэрскае пагадненьне з ГІВЦ Мінсельгаспраду. Згодна дадзенага пагадненьня ГІВЦ атрымаў права на пастаўку і ўсталяваньне ўсяго спэктру праграмаў фаміліі "Анжэліка", ўключаючы спецыяльныя модулі для сельскай гаспадаркі. Акрамя пастаўкі праграмаў "Анжэліка" ГІВЦ Мінсельгаспраду будзе аказваць сваім кліентам і пасляпродажныя паслугі (навуку, ўсталяваньне, настройку пад спецыфіку пэўнага прадпрыемства). падрабязней...

Кампанія Golden Software, вядомы на Беларусі распрацоўшчык праграмнага абсталяваньня для бугалтарскага і складскога ўліку, аб'явіла аб выхадзе новых рэлізаў праграмаў "Анжэліка -- друк плацёжных дакументаў" і гандлёвай сістэмы "Сакрэт Анжэлікі" (вэрсія 2.92).

Выхад новых вэрсіяў быў абумоўлены зьменамі ў заканадаўстве Беларусі, таксама як і ўдасканаленьнем некаторых функцыяў праграмаў.

У новай вэрсіі праграмы "Анжэліка -- друк плацёжных дакументаў" стала магчыма больш шчыльная інтэграцыя з бугалтарскім модулем "Анжэліка-Бугалтар!", зьявілася доўгачаканая шматлікімі бугалтарамі магчымасць прагляду дакументаў перад друкам і, канешне ж, быў зроблены "касметычны" рамонт некалькіх першасных дакументаў у сувязі са зменамі ў заканадаўстве Беларусі. Формы прыведзены ў адпаведнасць з прыказам Міністэрства фінансаў Беларусі ад 29 кастрычніка 1999г., №311 "Аб зацверджаньні бланкаў уніфікаваных формаў першаснай уліковай дакументацыі". падрабязней...

Аднойчы, ў самым пачатку ліпеня 95 году ў нас у офісе прагучаў тэлефонны званок:

-- Алё, гэта кампанія Залатыя праграмы?
-- Так. А што вас цікавіць?
-- Вашая праграма матам ругаецца!

Дзівак нейкі, падумалі мы. Трэба заўважыць, што скаргі на тое, што праграма "размаўляе" не па-беларуску, ці "піша" не па-нашаму, досыць часта паступаюць ад карыстальнікаў. Ну набыў чалавек у Ждановічах дыск з "ліцэнзіённай" амерыканскай вэрсіяй Вокнаў, паставіў іх, і з гэтага няма ў яго кірылічных шрыфтоў. Вось, праграма і "брыдкасловіць". Карацей, не надалі мы гэтаму тэлефанаваньню ўвагі. Сядзім, працуем далей. Раптам, яшчэ адзін такі ж званок, а потым яшчэ...

Пачалі мы разбірацца, і вось што аказалася. Праграмавалі мы ў той час на Borland Pascal. А ён, на жаль, ня меў кірылічнага шрыфту. Таму, ўсе надпісы давадзілася набіраць "усляпую", гледзячы толькі на клявішы. Калі ж набіралі назвы месяцаў праграміст памыліўся і замест "июля" набраў "ибля" (выбачайце!). Літары ж Ю і Б стаяць побач на клявіятуры, хай іх трасца возьме. Вось і пачала праграма друкаваць з першага ліпеня матныя словы ў дакументах. Кажуць, банкаўскія служачыя вельмі з гэтага абураліся.

І што. Выправілі мы памылку і за дзень замянілі праграму ва ўсіх кліентох. Без усялякага Інтэрнэту. Бо было ў нас на той час ажно дзесяць карыстальнікаў...