Як не скептычна мы ставімся да ўсялякіх конкурсаў на лепшы сайт, а ўсё ж прыемна. Наш сайт перамог у намінацыі "Лепшая структура сайта" на беларускім інтэрнэт фэсце. У ноч з 29 на 30 верасня, у менскім начным клюбе "Рэактар" адбылося ўзнагароджаньне пераможцаў. Хутка мы размесцім фотаздымкі, а зараз вы можаце даведацца падрабязней тут...

Па даўняй завядзёнцы, штогод на Беларусі адбываюцца дзьве буйныя кампутарныя выставы, адна ўвосень і адна ўвесну. Раней найбуйнейшай восеньскай выставай лічыўся "Сучасны Офіс і Банк", але сёлета ён аб'яднаўся з другой выставай "Перспектыўныя тэхналёгіі", якая будзе толькі другі раз. Такім чынам, мы маем сумесны праект, выставу PTS 2000, якая пройдзе з 10 па 14 кастрычніка ў Нацыянальным выставачным цэнтры на Я.Купалы (былая ВДНГ).

Арганізатары абяцаюць нешта незвычайнае. Працаваць выстава будзе ажно да 22:00 (уваход адчынены з 10:00 да 19:00). Час увечары плянуецца прысьвяціць нефармальным стасункам паміж калектывамі кампаніяў-удзельніц, ды кампаній й іхных кліентаў. Ужо аб'яўлена, што адзін расейскі піўзавод выступае спонсарам і пастаўляе бясплатнае піва.

Цікава, што выстава будзе працаваць 5 дзен. Раней, усе кампутарныя выставы звычайна мелі працягласць ня больш як у 4 дні.

На гэтай выставе Golden Software прадставіць, як заўсёды, комплекс праграмаў "Анжэліка". Апошнім часам мы дадалі шмат новых функцыяў у існуючыя праграмы і стварылі новыя: "Кніга пакупак і продажу" і "СТА Анжэлікі". Так што прыходзьце, не пашкадуеце. Як заўсёды, духмяная кава і гарбата для Вас!

А жанчын бугалтараў, завітаўшых на наш стэнд, чакае вельмі прыемны сюрпрыз!

Застаецца толькі дадаць, што нумар нашага стэнду Д8. Нашыя стылісты вырашылі працягнуць эксперыменты з чорным колерам, што пачаліся на ТІБО 2000, так што, нават, калі Вы забудзецеся на нумар, наш стэнд вы не зблытаеце ні з чыім іншым. Прыходзьце!

Увага! 13 кастрычніка, у рамкох выставы PTS 2000 пройдзе сэмінар кампаніі Golden Software. Падзея адбудзецца на другім паверсе, у канфэрэнц-зале, у 12 гадзінаў.

На сэмінары будуць разгледжаныя:

• Новыя функцыі прадуктаў фаміліі "Анжэліка"
• Новая праграма "Кніга пакупак і продажу"
• Новая праграма "СТА Анжэлікі"
• Пераход на новую форму разліку падаходнага падатку ў праграме "Заробак Анжэлікі" з 1 студня 2001 году
• Комплекс паслугаў па ўкараненьню праграмнага абсталяваньня, прапануемы кампаніяй Golden Software
• Пабудова размеркаванай апрацоўцы дадзеных з выкарыстаньнем Windows 2000 Server Terminal Services

Запрашаем усіх. Прыходзьце, калі ласка!

Пад час сэмінару кожны прысутны атрымае пакет інфармацыйных матэрыялаў.

Введите строку для поиска, и вам будут предоставлены все документы нашего сервера, содержащие эти слова. Документы упорядочены в порядке соответствия результатов поиска запросу.